TCM de UGT- Galicia considera que a condición de “interese xeral” dos portos de Marín-Pontevedra e Vilagarcía é irrenunciable

A Federación de Transportes Comunicacións e Mar (TCM) de UGT- Galicia, a través do Sector de Portos, rexeita as declaracións realizadas por José Blanco, Ministro de Fomento, nas cales dá coma posible o traspaso dos portos de interese xeral de Marín- Pontevedra e Vilagarcía á Xunta de Galicia...

Dende a TCM de UGT- Galicia manifestamos o noso total desacordo e rexeitamento ante a materialización deste feito, xa que xeraría unha fractura económica e social das comarcas mencionadas. Cabe sinalar que ambos os dous portos teñen a consideración histórica de portos de interese xeral, o que leva consigo o asentamento da industria, así coma a xeración de emprego en torno á actividade portuaria.Unha hipotética completa transferencia da xestión destes portos á Comunidade Autónoma levaría a que estes perdesen a condición de portos de interese xeral. Así mesmo, este feito imposibilitaría a actividade portuaria comercial, tal e como o establece a propia Constitución Española.