Inicio
 
     
Actualidade
UGT chama á cidadanía galega a secundar a folga de dúas horas do 8 de marzo
Escrito por UGT Coruña-Cee   
lunes, 19 de febrero de 2018

10UGT chama á cidadanía galega a secundar a folga de dúas horas por quenda o 8 de marzo para loitar contra a discriminación laboral, económica e social das mulleres

A responsable de Igualdade de UGT-Galicia, Mónica Rodríguez, ofreceu hoxe en Santiago unha rolda de prensa na que presentou o 8 de marzo, Día internacional da muller, e a folga de dúas horas por quenda convocada para esta data contra a discriminación laboral, económica e social das mulleres.

Mónica Rodríguez fixo fincapé, na súa intervención, en que as desigualdades persisten, por iso, a situación obriga a este 8 de marzo ir máis aló coa convocatoria dunha folga de dúas horas por quenda, concretamente, entre as 00.00 e as 2.00 na quenda de noite; entre as 12.00 e as 14.00 na de mañá; e entre as 19.30 e as 21.30 na de tarde, co fin de facilitar a participación de toda a cidadanía nas mobilizacións convocadas nas principais cidades galegas de cara a última hora da tarde.

Rodríguez denunciou que, en vez de mellorar, constátase un claro retroceso na situación das mulleres, as reformas laborais impostas, os recortes e as medidas de austeridade non fixeron máis que incidir nas desigualdades. E, na suposta recuperación da economía, se ao conxunto da cidadanía lle custa participar, aínda máis ás mulleres.

A realidade urxía dar un paso máis. O 77 por cento dos contratos a tempo parcial os soportan as mulleres; máis de 20.000 mulleres en Galicia acceden a unha redución de xornada por verse na obriga de asumir responsabilidades familiares; as mulleres soportan menores taxas de actividade e de ocupación; maiores taxas de temporalidade; son vítimas da segregación horizontal; e case a práctica totalidade das excedencias ou reducións de xornada por coidado de menores ou maiores son solicitadas por mulleres.

Tamén son as mulleres as que sofren taxas de desemprego máis elevadas. Da tímida mellora do mercado laboral, estanse a aproveitar maioritariamente os homes. Se a crise igualou as taxas de desemprego por sexos, agora vólvense a separar, de feito, a taxa de paro entre as mulleres é 1,4 puntos superior á dos homes.

Modificado o ( jueves, 22 de febrero de 2018 )
Leer más...
 
Continúa a folga na Xustiza galega cun amplo seguimento e mobilizacións na rúa
Escrito por UGT Coruña-Cee   
viernes, 16 de febrero de 2018

   Continúa a folga na Xustiza galega cun amplo seguimento e mobilizacións na rúa

​A folga indefinida na Xustiza galega continúa cun seguimento masivo e sen fisuras por parte dos traballadores do sector.

Os puntos de desencontro continúan aí e a Xunta non achega nada para pechalos, polo que a folga continuará. A última oferta achegada pola Xunta na reunión da EGAP non fai unha proposta suficiente para poñerlle fin a esta folga.

Non existe o compromiso de eliminar os descontos por IT (a pesar de que xuices e secretarios non os sofren); en materia económica os sindicatos demandan situar aos traballadores da Xustiza galega na media do resto do Estado e a Xunta fai unha proposta que non inclúe as medias reais, senón unha interpretación interesada das mesmas. No CGRL xa había un acordo para restituír as 106 prazas destruídas nestes anos, de novo a Xunta obvia comprometerse de forma clara neste senso; en canto á necesidade de aboar as substitucións dun corpo superior, tampouco existe un compromiso concreto; e tampouco quere concretar a Xunta un acordo sobre a creación das prazas pendentes.

Mobilizacións en A Coruña, Ferrol, Santiago, Lugo, Ourense, Pontevedra e Vigo

Ademais da folga, que hai que lembrar que comezou o pasado día 7 de febreiro, este xoves, día 15, tiveron lugar en Coruña, Ferrol, Santiago, Lugo, Ourense, Pontevedra e Vigo sendas mobilizacións nas rúas destas cidades nas que os traballadores e traballadoras da Xustiza galega reclamaron que se atendan as súas demandas xa.​
Modificado o ( jueves, 22 de febrero de 2018 )
 
Miles de persoas mobilízanse en Galicia por unhas pensións públicas dignas
Escrito por UGT Coruña-Cee   
jueves, 15 de febrero de 2018

Miles de persoas mobilízanse en Galicia por unhas pensións públicas dignas

Miles de persoas mobilízanse en Galicia por unhas pensións públicas dignas

 Miles de persoas participaron este xoves, día 15, nas concentracións convocas por UGT e a UXP, xunto con CCOO, nas cidades galegas (A Coruña, Ferrol, Santiago, Lugo, Ourense, Pontevedra e Vigo), do mesmo xeito que se fixo no resto do Estado. ​

As mobilizacións, que se enmarcan dentro da campaña posta en marcha por UGT #LazonMarrón contra a miserable subida do 0,25% das pensións para este ano, queren denunciar que o Goberno fomenta os plans de pensións privados mentres recorta as pensións públicas. O sindicato considera fundamental protestar contra o  empobrecemento duns pensionistas que perden poder adquisitivo por segundo ano consecutivo e esixir un modelo público de pensións eficaz e eficiente que é incompatible coa reforma aprobada polo Partido Popular en 2013.

A cidadanía mostrou a súa indignación cunhas medidas que nos afectan a todos, xa que o índice de revalorización e o factor de sustentabilidade supoñen a curto e medio prazo un recorte das pensións presentes e futuras e aféctannos a todos.

Derrogar a reforma e as medidas postas en marcha polo Goberno
 
Hai que unir forzas para lograr que se derroguen a reforma e as medidas postas en marcha polo Goberno e que se afronten solucións reais que aumenten o poder adquisitivo dos pensionistas e garantan a viabilidade do sistema público de pensións. UGT insiste na necesidade de reclamar a reforma inmediata das fontes de financiamento do Sistema vía impostos, erradicar o déficit da Seguridade Social terminando coas bonificacións á contratación, financiando os gastos da Seguridade Social desde os  PXE e  destopando as bases de cotización.
Modificado o ( jueves, 22 de febrero de 2018 )
 
UGT consigue que se declare nulo o despedimento da presidenta do Comité de Empresa de Sargadelos
Escrito por UGT Coruña-Cee   
miércoles, 07 de febrero de 2018

 UGT consigue que se declare nulo o despedimento da presidenta do Comité de Empresa de SargadelosUGT consigue que se declare nulo o despedimento da presidenta do Comité de Empresa de Sargadelos

A Sentenza recoñécelle á traballadora a readmisión no seu posto de traballo nas mesmas condicións de antes do despido, a percepción dos salarios deixados de percibir e a unha indemnización de 30.000 €

​UGT ven de conseguir que o Xulgado do Social nº 3 de Lugo declararef NULO o despedimento da que foi durante moitos anos Presidenta do Comité de Empresa da Fábrica de Cerámica de Sargadelos, SL e que leva mais de 30 anos como Delegada de UGT naquela fábrica.

A Sra. Mariño Pernas foi despedida despois de cuestionar abertamente decisión do Conselleiro Delegado, Segismundo García Rodríguez, de ordenar traballar todos los días media hora mais, sen retribución, entre outras.

A sentenza acolle a demanda da traballadora -defendida polos Servicios Xurídicos de UGT Galicia- e considera probado que os feitos que se lle imputan para despedila, lonxe de tratarse de incumprimentos contratuais que autoricen semellante decisión, forman parte, precisamente, da función sindical que como representante legal dos traballadores ven desempeñando Rogelia Mariño.

A Sentenza condena á inmediata readmisión da traballadora no seu posto de traballo e nas mesmas condicións que rexían antes do despedimento, con abono dos salarios deixados de percibir dende o 30 de Decembro de 2016.

Igualmente condena a Fábrica de Cerámica Sargadelos, SL, a Fábrica de Cerámicas o Catro, SL e ao Conselleiro Delegado, Segismundo García Rodriguez, a abonarlle a traballadora una indemnización por danos morais que cifra en 30.000 Euros.​

 
MOBILIZACIÓN DE UGT ANTE LAS INSTALACIONES DE INDITEX EN SABÓN
Escrito por UGT Coruña Cee   
martes, 06 de febrero de 2018

http://www.ugtcoruna.es/images/stories/UGTZARA.jpg

Ugt se mobiliza contra la dirección de Zara España en la central de INDITEX en Sabón

  Desde la Sección Sindical UGT en Zara España S.A. (tiendas Zara y Lefties) en la provincia de A Coruña, queremos demostrar nuestro malestar con la Empresa ante las reiteradas y  desastrosas relaciones que hemos mantenido a largo de los últimos meses. La actitud por parte de la empresa ha sido la negativa a todas nuestras peticiones, con una actitud prepotente y altiva, despreciando la representación de los/as trabajadores/as, con negativas constantes a peticiones tales como:

1. Cupos por Vacaciones. (La Empresa obliga a sus trabajadores/as a coger sus vacaciones dentro de las fechas que mas favorezca a los intereses de la misma.)
2. Cambios de horarios continuos a los/las trabajadores/as eventuales saltándose lo pactado con el Comité. Trabajadores con eternos contratos eventuales que terminan en fraude.
3. Los grandes problemas en la conciliación Laboral/Familiar afectando a madres-padres o aquellos/as trabajadores/as que tienen familia a su cuidado. Negativa constante por parte de la empresa, presionando a las/os trabajadoras/es para que cojan el horario que la empresa le interesa, no el que necesitan para cuidar a sus hijos/as, a pesar de que reducen jornada con el detrimento correspondiente en el salario.
4. Subida 40 h de los/las trabajadores/as a tiempo parcial. Reiterados casos de compañeros que llevan muchísimos años con contratos a tiempo parcial, con salarios precarios. A pesar de que en el año 2016 se firmo un acuerdo de consolidación de horas para subir contratos, la empresa retuerce ese acuerdo y lo manipula para impedir si cumplimiento y la subida de horas del personal con contratos a tiempo parcial.
5. Incentivo anual para todos/as. Basándonos en que todos/as tenemos los mismos derechos y que realizamos venta de una forma u otra, lo justo es la repartición del incentivo. (Actualmente solo lo cobran algunos puestos de responsabilidad en base a su categoría, dejando a un lado a la mayoría de la plantilla que no cobra nada).

Estamos hablando de la cadena de ropa más importante de Inditex, la que supone la mayor facturación del grupo con diferencia. Presumen en su página web de estar comprometidos con la calidad del empleo, y se niegan a subir al personal a 40 horas y que tengan un salario digno, dicen que "nos preocupan las condiciones y oportunidades de desarrollo de todas nuestras personas" y ponen todas las dificultades posibles para poder conciliar la vida laboral y familiar.

Dicen "como muestra de estabilidad en este ámbito, el 80% de nuestros profesionales tienen contrato indefinido" y comenten fraude en la contratación con eternos eventuales. Por último nos chantajean diciendo que no suben al personal a 40 horas porque hay una denuncia por fraude presentada y van a tener que hacer más plantilla indefinida, ¿el grupo inditex pretende cometer fraude enla contratación a cambio de subida de contratos?

Por todo esto, seguiremos luchando porque se cumpla la ley y no intenten vapulear de esta manera los derechos de los/as trabajadores/as.

Modificado o ( jueves, 22 de febrero de 2018 )
 
Multitudinaria manifestación en Santiago contra la reforma sanitaria de Feijóo
Escrito por UGT Coruña-Cee   
miércoles, 07 de febrero de 2018

 

 http://www.ugtcoruna.es/images/stories/img-20180204-wa0012.jpgMultitudinaria manifestación en Santiago de Compostela contra a reforma sanitaria de Feijóo

 O proxecto retira as atribucións aos hospitais rexionais, restrinxe o acceso a contratos e concertos e permite que as empresas poidan explotar a investigación pública

A Manifestación foi convocada pola Plataforma SOS Sanidade Pública e sencudada por todos os sindicatos de clase, os líderes dos partidos poĺíticos da oposición e miles de cidadáns que se achegaron o pasado domingo a Santiago a manifestar a súa repulsa á privatización encuberta da Sanidade que pretende facer a Xunta de Galicia.

A modificación da Lei 8/2008, de Saúde de Galicia, que pretende o goberno do Partido Popular, incrementa cualitativamente a deterioración da sanidade pública en beneficio da sanidade privada, ao reducir o número de Áreas sanitarias, afastan os servizos dos territorios onde existe maior dispersión, peores condiciones socio-laborais, incrementos de poboación de carácter estacional e peores vías de comunicación.
 
A Xestión afástase dos territorios e da cidadanía, que xa non vai ser oída nin para expresar cales son as súas necesidades de saúde.

Este goberno non cre na participación social, nin sequera en órganos consultivos.Reduce os ámbitos electorais de 10 a 7, coa consecuente redución do número de representantes lexítimos das persoas traballadoras do sistema, co que o goberno consegue outro dos obxectivos da súa folla de ruta, a diminución de denuncias da deterioración do sistema por parte da representación das traballadoras e traballadores.
 
Ante esta nova agresión á Sanidade Pública, UGT empraza a participación activa na manifestación que se realizará en Santiago día 4 de febreiro que sairá da Alameda de Compostela, como medida de presión para que se retire a reforma da Lei 8/2008 de Saúde de Galicia.

 

Modificado o ( jueves, 22 de febrero de 2018 )
 
Máis de 300 delegados de UGT e CCOO demandan na Delegación do Goberno máis emprego público
Escrito por UGT Coruña-Cee   
martes, 30 de enero de 2018

Máis de 300 delegados de UGT e CCOO demandan na Delegación do Goberno máis emprego público, recuperación de dereitos e un salario xusto na Administración xeral do EstadoMáis de 300 delegados de UGT e CCOO demandan na Delegación do Goberno máis emprego público, recuperación de dereitos e un salario xusto na Administración xeral do Estado

Máis de 300 delegados e delegadas, convocados polas federacións de servizos públicos de CCOO e UGT, concentráronse esta mañá fronte á Delegación do Goberno (A Coruña) para demandar máis empregos públicos, recuperación de dereitos e un salario xusto na Administración Xeral do Estado (AXE).

Esta mobilización forma parte dun calendario máis amplo que comezou xa no mes de xuño do ano pasado e que se está a repetir en todo o Estado, de feito, hoxe tamén houbo concentracións en Madrid e Valencia. Concretamente, en A Coruña participaron os responsables estatais da AXE de ambos sindicatos, Carlos Álvarez (UGT) e José Manuel Vera (CCOO).

Os traballadores e traballadoras da Administración Xeral do Estado denuncian que dende o 2010 o persoal reduciuse nun 14 por cento, o que situou preto do colapso a boa parte dos servizos públicos que presta a AXE. E, aínda que os últimos acordos en materia de emprego supuxeron un tímido avance, a situación está lonxe dunha solución. Hai que ter en conta que a previsión de xubilacións nos próximos cinco anos na AXE está próxima aos 25.000 efectivos.

A situación retributiva é insostible. Dende 2010 as reducións e conxelacións salariais e os incrementos ridículos colocaron aos traballadores da AXE, que xa se atopaban en situación desfavorable en relación aos de outras administracións, nunha conxuntura insostible salarialmente.

UGT e CCOO instan ao Goberno a que se sente a negociar xa unha política de emprego para frear a progresiva perda de postos de traballo na AXE e as políticas privatizadoras de servizos.

Tamén urxe o desenvolvemento do Estatuto Básico do Empregado Público e o desbloqueo do IV Convenio único para adaptar o sistema de clasificación profesional coa aplicación efectiva do grupo B, o desenvolvemento retributivo no seu conxunto, incluíndo aquelas retribucións que corresponden ás características dos postos de traballo, á carreira profesional ou o desempeño, rendemento ou resultados. Demándanse procesos de provisión de postos que atendan aos criterios de igualdade, capacidade e mérito. Tamén urxe recuperar os dereitos arrebatados en materia de IT, formación, accións social ou masa salarial dos plans de pensións. En materia salarial os traballadores da AXE demandan a recuperación do poder adquisitivo e a garantía do mantemento no seu futuro. Concretamente fixan unha suba nos salarios de 250 euros lineais que permita ao persoal desta Administración acadar un nivel retributivo xusto e digno. Estes 250 euros supoñen o 10 por cento da masa salarial, fronte ao 13,3 por cento que levan perdido dende o 2010.

 

 
FORO CLARIDADE: POR UNHA POLÍTICA SUSTENTABLE NA XESTIÓN DA AUGA
Escrito por UGT Coruña   
martes, 16 de enero de 2018

 O FORO CLARIDADE organizará vindeiro día 25 de xaneiro na Coruña, as 19:00 no Salón de Actos da Fundación ONCE un panel de discusion sobre CAMBIO CLIMÁTICO: POR UNHA POLÍTICA SUSTENTABLE NA XESTIÓN DA AUGA, con invitados expertos que reflexionarán sobre esta materia.

 

A entrada é libre e gratuíta ata completar o aforo.

A Fundación Luís Tilve celebrará este xoves día 25, ás 19 horas, no Salón de Actos da Delegación Territorial da Fundación ONCE, en A Coruña (R/ Cantón Grande, 3), un foro no que varios expertos na materia debaterán sobre as dificultades que está a xerar e seguirá provocando nun futuro o Cambio Climático en Galicia, especialmente no que se refire a problemática da xestión da auga, así como as posibles solucións a través dunha política sustentable.

O foro contará coas intervencións dos deputados no Congreso Ricardo García Mira (Portavoz do PSOE na Comisión de Estudio del Cambio Climático, membro da Subcomisión para la sequía, coordinador do Grupo de Investigación Persona-Ambiente e especialista en estilos de vida sostible e economía verde en Europa) e Gonzalo Palacín Guarné (Portavoz de Medio Ambiente polo PSOE na Comisión de Agricultura, Alimentación e Medio Ambiente e relator na lei que aborda os problemas xerados pola seca), acompañados de Juan Carlos Mejuto Fernández (exdecano da Facultade de Ciencias de Ourense e Catedrático de Química-Física da Universidade de Vigo); todos eles moderados por Isabel Lema Blanco (Investigadora do Grupo de Investigación Persona-Ambiente da Universidade da Coruña e experta en procesos de innovación social para a sustentabilidade).

A Fundación Luís Tilve, institución cultural declarada de Interese Galego pola Xunta de Galicia, con máis de 25 anos de historia, presenta nesta ocasión, dentro do programa de debates do seu Foro Claridade, un tema de especial relevancia para a cidadanía galega, que ano tras ano ve como o cambio climático vai transformando a nosa vida diaria e os nosos costumes, como demostraron os problemas de abastecemento de auga nos pasados meses. Unha situación que vai ir aumentando nos próximos anos e para o que é preciso comezar a tomar medidas, con políticas sustentables. Solucións que pretenden poder ofrecerse neste foro.


 

Modificado o ( lunes, 29 de enero de 2018 )
 
UGT Coruña-Cee asina o Pacto Local de Emprego da Coruña
Escrito por UGT Coruña Cee   
viernes, 01 de diciembre de 2017

 

UGT Coruña-Cee asina o Pacto Local de Emprego da Coruña

O Secretario Comarcal de UGT Coruña-Cee José Carrillo Souto participou, en representación da Unión Xeral de Traballadores, o pasado 23 de novembro de 2017 na Sinatura do Pacto Local polo Emprego do Concello de A Coruña. Dito Pacto, promovido polo concello da Coruña, está respaldado tamén por 25 entidades do tecido social e empresarial da cidade.

O obxecto do Pacto Local polo Emprego é promover a mellora da empregabilidade e a inserción laboral das persoas demandantes de emprego do Concello da Coruña. Así, Concello axentes sociais e empresariais traballarán conxuntamente no cumprimento do Plan Municipal de Emprego.

Entre as entidades asinantes atópase a Universidade da Coruña e a Fuac, os sindicatos de clase UGT e CCOO, Cáritas interparroquial da Coruña, Asociación de Traballadores por conta propia de Galicia (ATA-Galicia), Confederación Galega de Persoas con Discapacidade (COGAMI), Unión de Cooperativas ESPAZOCOOP, Cruz Vermella na Coruña, Ecos do Sur, Federación de Asociacións de Familiares e Enfermos Mentais de Galicia (FEAFES), Fundación Juan Soñador, Fundación Juana de Vega, Fundación Mujeres, Fundación Ronsel, Fundación Secretariado Xitano, Asociación Down Coruña e Arquitectura sen Fronteiras.

Polo eido empresarial, participan do Pacto a Agrupación Empresarial de Sociedades Laborais de Galicia (AESGAL), Asociación Comercial de Emprendedores de Galicia (ASCEGA), Asociación de Empresarias da Coruña, Asociación de Empresas de Inserción de Galicia (AEIGA), Asociación de Jóvenes Empresarios da Provincia da Coruña (AJE), Cámara de Comercio da Coruña.

Modificado o ( lunes, 29 de enero de 2018 )
 
<< Inicio < Anterior 1 2 3 4 5 6 7 8 9 10 Siguiente > Final >>

Resultados 39 - 57 de 730