UGT Coruña realiza un reparto simbólico de preservativos.

A Campaña desenvolverase en varios centros de traballo, da comarca coruñesa chegando a 4.000 traballadores mozos e mozas.

A Secretaría de Xuventude de UGT A Coruña, como ven facendo nos últimos catro anos, realizará mañá martes, 1 de decembro, Día Internacional contra a SIDA, un reparto simbólico de preservativos e información sobre prevención do contaxio da SIDA e outras enfermidades de transmisión sexual en varios centros de traballo da cidade da Coruña que contan con unha alta porcentaxe de traballadores e traballadoras menores de 35 anos...

En total UGT Coruña, en colaboración coas súas seccións sindicais, fará chegar a súa campaña a máis de 4.000 traballadores, achegándose ás empresas de telemárketing EUROCEN, SYKES e TELEPERFORMANCE. Así mesmo, a campaña distribuirase en empresas do sector de comercio e hostalería e de textil.