A CONSELLERÍA APLICARÁ O ACORDO A TODOS OS CENTROS E GRUPOS CON ALUMNOS E ALUMNAS DE IDADES MISTURADAS NOS PRÓXIMOS DOUS CURSOS

Logo do acordo acadado na Mesa Sectorial entre a Administación e os sindicatos UGT, CCOO, ANPE e STEG; que acadan o 60% de representación do profesorado do ensino público de Galicia; o pasado venres día 10 de xullo tivo lugar a sinatura do texto do preacordo, que pasara por un período de falsa interpretación por parte da Consellería de Educación.

A valoración que facemos dende FETE-UGT/Galicia é positiva no senso de que se acada un corpo de criterios para agrupamento de alumnado de infantil e primaria moito máis racional, pedagoxicamente correcto e que vén a corrixir distintas situacións de aplicación que se viñan dando nos distintos centros...

FETE-UGT ven facendo un plantexamento serio e rigoroso na primeira proposta e ó longo da negociación. Lémbrese que xa falaramos de implantación progresiva para que fose universal a súa aplicación.

O pasado venres, manifestamos claramente as condicións de aplicación para poder asinar este pacto que eran:

-Análise de todos os datos de matrícula nos distintos centros.

-Compromiso da administración de que as RPTs pasarán pola Mesa Sectorial,unha vez concluído o proceso de matrícula do alumnado.

-Adoptar a normativa LOE para educación especial.

-Redución do período de implantación a dous cursos.

-Análise e negociación nas distintas Xuntas de Persoal para aplicar este acordo.

-Constitución dunha comisión de seguemento.

-Traslado á CIG do texto final do preacordo para que valore a súa incorporación ó mesmo.

Na reunión do venres día 10 para concretar o texto final do acordo, logo de distintas intervencións das OOSS e da Consellería, chégase ó texto coñecido (ver Acordo) que asume practicamente todas as propostas e suxestións que fixera FETE-UGT.

Lamentamos que a outra organización da Mesa Sectorial non teña asinado este preacordo e confiamos que nun futuro próximo se poida acometer a negociación para a rebaixa xeralizada de rateos, nomeadamente en ensino infantil. Como tiña reclamado insistentemente esta organización e o constata o programa de goberno do Partido Popular.

Tamén nos congratulamos de que CSI-CSIF se sume a este preacordo.