O Xulgado condena a Breogán Transportes polo despido nulo dun traballador

BREOGÁN REALIZA O SERVIZO DE TRANSPORTE PARA INDITEX.

CON DATA 14 DE OUTUBRO NOTIFÍCASE A ESTA PARTE SENTENCIA DO XULGADO DO SOCIAL Nº 1 DE A CORUÑA SOBRE DEMANDA POR DESPIDO DUN TRABALLADOR DA EMPRESA BREOGAN TRANSPORTE, S.L., DECLARANDO DESPIDO NULO E CONSEGUINTEMENTE READMISIÓN INMEDIATA DO TRABALLADOR. BREOGÁN REALIZA O SERVIZO DE TRANSPORTE PARA INDITEX...

• Descargar Sentencia

O DESPIDO PRESENTADO POLA EMPRESA, BASADO EN SUPOSTAS RAZÓNS DISCIPLINARIAS COMO SON A DESOBEDIENCIA E A TRANSGRESIÓN DA BOA FE CONTRACTUAL, E DICIR, O CAIXÓN DESASTRE ONDE ENTRAN TODOS AQUELES DESPIDOS INXUSTIFICADOS. 

O QUE A EMPRESA NON MEDIU NESTE CASO É QUE ESTE DESPIDO RECAE SOBRE UN REPRESENTANTE LEGAL DOS TRABALLADORES QUE TEN PRESENTADAS, Ó IGUAL QUE OUTROS COMPAÑEIROS, RECLAMACIÓNS DE CANTIDADES Á EMPRESA, POLO CAL ESTAMOS A FALAR DE LIBERDADE SINDICAL, QUE RESULTA SER UN DEREITO FUNDAMENTAL RECOLLIDO NA CONSTITUCIÓN ESPAÑOLA, E QUE, SEGUNDO A NORMATIVA LABORAL, O DESPIDO SERÁ DECLARADO NULO CANDO TEÑA POR MÓVIL ALGUNHA DAS CAUSAS DE DISCRIMINACIÓN RECOLLIDAS NA CONSTITUCIÓN OU NA LEI, OU SE PRODUZA CON VIOLACIÓN DE DEREITOS FUNDAMENTAIS E LIBERTADES PÚBLICAS DO TRABALLADOR, O QUE QUEDA CONSTATADO POLA SENTENCIA.

DE XEITO CLARO E CONCISO MANIFÉSTASE QUE BREOGAN TRANSPORTES, S.L., MANTÉN UNHA ACTITUDE CLARAMENTE ANTISINDICAL E IMPEDITIVA DA REPRESENTACIÓN DE U.G.T. NA EMPRESA, CONCRETANDO ESTA POSTURA NO DESPEDIMENTO DE TRABALLADORES AFÍNS A ESTE SINDICATO E, O QUE É PEOR SI CABE, EQUIPARA A ACTITUDE DA EMPRESA CA DO COMITÉ DE EMPRESA, QUE PRÁCTICAMENTE RESULTAN SER O MESMO, XA QUE EN CANTO ALGÚNS TRABALLADORES COMEZARON A DEMANDAR OS SEUS DEREITOS, A EMPRESA TIVO A XENIAL IDEA DE PRESENTAR ÁS ELECCIÓNS SINDICAIS A UN GRUPO DE ESCOLLIDOS QUE SE FAN CHAMAR “ALTERNATIVA DOS CONDUCTORES”, OS CALES SE PRESTARON A ELO, INCLUSO DECLARANDO A FAVOR DA EMPRESA NO XUIZO POR DESPIDO DOS COMPAÑEIROS, CANDO AS CAUSAS ALEGADAS POLA EMPRESA PARA TAL DESPEDIMENTO RESULTARON INDEMOSTRABLES.  OUTRO DATO SIGNIFICANTE QUE RECOLLE A SENTENCIA E QUE RECOÑECE FRAUDE NOS CONTRATOS DE TRABALLO QUE REALIZA BREOGAN TRANSPORTES, S.L., O QUE DEBERÍA PREOCUPARLLE Ó SEU PRINCIPAL CLIENTE, O GRUPO INDITEX, EXIXINDO ESE MÍNIMO DE LEGALIDADE ÁS EMPRESAS QUE TRABALLAN PARA ÉL. 

DESDE A U.G.T. NOS CONGRATULAMOS POR ESTA SENTENCIA QUE SUPÓN UNHA CLARA MANIFESTACIÓN EN CONTRA DO QUE BREOGAN TRANSPORTES TRANSMITE DENTRO DA EMPRESA ÓS TRABALLADORES: QUE TODO AQUEL TRABALLADOR QUE RECLAME OS SEUS DEREITOS OU QUE SE ACHEGUE A AQUELES QUE OS RECLAMAN SERÁN DISCRIMINADOS, APARTADOS E DESPEDIDOS, E QUE O ÚNICO QUE OS TRABALLADORES POSÚEN SON DEBERES INCUESTIONABLES CA EMPRESA, NUNCA DEREITOS, POLO QUE A EMPRESA DEBERÍA COMEZAR A CUESTIONARSE A SÚA MENSAXE, ADMITIR QUE O CAPITAL HUMANO É O MÁIS IMPORTANTE QUE POSÚE A EMPRESA E ADAPTARSE Á LEGALIDADE VIXENTE, QUE É A ÚNICA FORMA DE EVITAR CONFLICTIVIDADE E CONSECUENTEMENTE XENERAR PAZ SOCIAL MEDIANTE A QUE SE BENEFICIEN TANTO A EMPRESA COMO OS TRABALLADORES.