UGT demanda ao Goberno que con carácter urxente adecúe o tratamento fiscal das prestacións derivadas de Expedientes de Regulación de Emprego (ERE) e continúense os traballos do Diálogo Social para mellorar a protección por desemprego dos traballadores afectados por estes despedimentos colectivos ante esta situación de crise económica.

 

Os principais afectados son os traballadores, polo que o sindicato considera que é necesaria unha reforma lexislativa que dote dun tratamento fiscal homoxéneo e equitativo ás persoas que perden os seus postos de traballo, ademais de repoñer as prestacións por desemprego consumidas polos traballadores por anteriores ERE temporais, previos á extinción dos seus contratos. Esta última proposta forma parte das realizadas por UGT á mesa de Diálogo Social para mellorar as prestacións contributivas e os subsidios por desemprego.

UGT considera que o aumento do número de Expedientes de Regulación de Emprego fai necesario e urxente que o Goberno adopte as medidas necesarias para mellorar a situación dos traballadores que se están a ver afectados por estes expedientes, despedimentos colectivos que obedecen a causas económicas, técnicas, organizativas ou de produción...