Hoxe 23 de maio ás 19:00h na Escola Oficial de Idiomas da Coruña, FETE-UGT proxecta un documental no que se homenaxea ás mestras da República.

Introducirán o acto Ana J. López Díaz, Directora da Oficina para a Igualdade de Xénero da Universidade da Coruña, e Ana Romero Masiá, Catedrática de Xeografía e Historia e autora de numerosos artigos e libros de investigación histórica.

A educación constituiu un dos compromisos sociais da II República, que propugnou unha educación pública, obrigatoria, gratuita, activa, laica, bilingüe e solidaria co fin de terminar coa secular discriminación por sexo ou clase social.

Dentro deste proxecto de educación as mestras republicanas, que encarnaban o modelo de mulleres modernas e independentes, ocuparon un lugar privilexiado.

En boa medida foron elas as responsables da construción e difusión dunha nova identidade cidadá, ao educar aos seus alumnos nos valores de igualdade, liberdade e solidariedade tanto a través da transmisión de contidos nas aulas como, sobre todo, coas súas vivencias persoais, que levaron aos lugares máis apartados de España.

FETE-UGT, con este documental, quere lembrar a todas estas mulleres, dar a coñecer o seu traballo e agradecer o seu compromiso e sacrificio por unha das máis nobles tarefas: a educación.

En representación destas mulleres, homenaxearemos a Regina e Salomé García Goyanes, mestras da República en Fonsagrada e Pobra de Brollón, na persoa de Ana López Díaz, sobriña neta destas.

      FETE-UGT pide dimisións e responsabilidades pola mala xestión da Consellería de Educación.

FETE-UGT e as outras forzas sindicais celebraron onte unha asamblea onde escoltaron as demandas do profesorado,que se sente ninguneado pola Administración. Como consecuencia FETE-UGT e as demais organizacións sindicais pedirán responsabilidades á administración educativa,e,a dimisión dos responsables desta “desfeita” pedagógica.

FETE-UGT velará polos dereitos dos profesores da Rabadeira,vítimas circunstanciais duns pais irreflexivos que na súa terquedade trastocaron o bo clima de traballo que existía no devandito centro,causando enfrentamentos entre os profesores que apoian o equipo saínte e a nova dirección,nomeada transitoriamente e desbordada polos acontecementos.

A dimisión do anterior equipo directivo, aceptada con celeridade por plantarlle cara á Consellería, provocou cambios importantes nos horarios e nas gardas de todo o profesorado.

FETE UGT Coruña considera responsable dos problemas do centro á Consellería de Educación, por non ser capaces de solucionar estes problemas máis que con “recursos de alzada” para os pais e imposición aos equipos directivos,que facendo ben o seu traballo cargan coa culpa dos seus superiores.

FETE UGT reiterará a través da XUNTA de PERSOAL DOCENTE a súa petición de información e aceso a tódala información referida ó caso,incluído o recurso de alzada dos pais e mais do alumnado.

FETE-UGT pedirá na próxima Xunta de Persoal o apoio ao equipo directivo sainte do CEIP A Rabadeira

FETE-UGT introduciu na orde do día da Xunta de persoal que se celebrará o mércores 28 unha petición de apoio ao equipo directivo saínte do CEIP A Rabadeira, que espera secunden as demais forzas sindicais.

Como xa é coñecido, ante as presións da Consellería de Educación para crear unha vacante de comedor específica para un fillo dun alto cargo da Xunta o equipo directivo da Rabadeira viuse obrigado a dimitir.

FETE-UGT buscará o consenso e o apoio do resto dos membros da Xunta de Persoal Docente para sacar adiante unha resolución de apoio explícito ao equipo directivo saínte e unha reparación do seu honor polas mentiras verquidas desde a Consellería. Ademais FETE-UGT quere saber como a consellería vai afrontar os problemas creados no funcionamento do centro, horarios e gardas trastocados por mor das súas decisións.

ASEMBLEA INFORMATIVA "Novo Convenio do Ensino Concertado"

FETE- UGT Coruña celebrará o xoves 15 de novembro, ás 19:00 horas una asemblea informativa sobre as negociacións do novo convenio de concertada. É importante a asistencia para ter as vosas impresións e poder comunicalas a nivel estatal. Esperamos contar coa vosa presenza.Agardámoste.

XOVES 15 DE NOVEMBRO ÁS 19:00  NO 1º ANDAR  NA SEDE DE UGT

AVDA FERNÁNDEZ LATORRE, 27 2º (CUATRO CAMINOS)

UGT califica de innecesarias y contraproducentes las modificaciones legislativas en “Educación para la ciudadanía”

O conselleiro Jesús Vázquez asegura aos representantes de FETE-UGT, CCOO, FSIE e USO que se fará unha redución na masa salarial dos docentes equivalente ao 4’5 %

Como xa informamos (www.feteugtgalicia.es) o RD lei 20/2012 establece un recorte no módulos de concertos dos salarios, un 4’5% no de gastos variables e o 1’5% no de “outros gastos”.

As organizacións sindicais solicitamos á Consellería a reunión da CTEPC para que se clarificase a repercusión que isto ía ter para os traballadores do ensino concertado en Galicia.

Ao pouco tempo enterámonos de que as organizacións empresariais foran convocadas o 19 de xullo polo Consellerior para tratar este asunto, entre outros. Tamén nos chega o rumor de que se nos suprimirá íntegra a paga extra de decembro, o que supón unha redución superior ao 4’5% da establecida no decreto.

Así as cousas, os representantes sindicais de FETE-UGT, CCOO, FSIE e USO decidimos ir falar, sen previa cita, co Conselleiro para que nos dea as explicacións pertinentes.

Así o fixemos. Ás 12:30 do día 27 presentámonos no seu despacho e, para sorpresa nosa, recibiunos.'

FETE-UGT e demais OOSS expresámoslle a nosa indignación pola discriminación que supón convocar aos representantes das organizacións empresariais e non facer o propio cos representantes dos traballadores.

Preguntado o Conselleiro sobre a repercusión do decreto responde que se aplicará unha redución do 4’5% na masa salarial, é dicir, salario base e complemento autonómico. Engadiu que esta redución se aplicará na paga extra de decembro e asegurou que se convocaría a CTEPC para aclarar este asunto.

En fin, unha vez máis a Administración educativa demostrou o seu desprezo polos traballadores e os seus representantes, ignorándoos olímpicamente.

Unha reforma que nos prexudica a todos

1. A empresa pode distribuír de maneira irregular ata o 10% da xornada anual de traballo (texto anterior rajoyniano: 5% [EMPEORA]).

2. Baixa por enfermidade: o contrato poderá extinguirse por faltas de asistencia ao traballo, ainda xustificadas pero intermitentes sempre que alcancen o 20% das xornadas hábiles en 2 meses consecutivos ou o 25% en catro meses discontinuos dentro dun período de 12 meses...

O TSXG da a razón a FETE-UGT sobre o dereito á paga de antigüedade na empresa

…declaramos el derecho de los trabajadores afectados por el presente conflicto a percibir de la Administración autonómica la paga extraordinaria por antigüedad en la empresa, previa habilitación de la oportuna partida presupuestaria…

Este é o fallo do Tribunal Superior de Xustiza de Galicia no conflito colectivo presentado por FETE-UGT e CCOO  contra a Consellería de Educación.

Sen dúbida é un éxito que o TSX de Galicia recoñeza de forma tan explícita o dereito dos traballadores a percibir a paga por antigüidade na empresa.

De todas formas aínda non podemos abrir o champán pois a Consellería ten dez días para recorrer a sentenza e, coñecéndoos non nos estranaría nada que o fixera.

Mais, aínda así, debemos felicitarnos polo fallo desta sentenza que pode contribuír a solucionar dunha forma definitiva o problema do aboamento da paga de antigüidade.

3.000 personas protestan en A Coruña contra los recortes en educación

Máis de 3.000 persoas concéntranse na Coruña contra os recortes en educación nunha manifestación que partiu na tarde de onte da praza da Palloza. A concentración foi convocada polos sindicatos do ensino e secundada por numerosas asociacións de estudantes e de nais e pais da comarca